تبلیغات در اینترنتclose
تازا بایاتیلار
تازا بایاتیلار

نام کاربری : پسورد : یا عضویت | رمز عبور را فراموش کردم


اگر براي اولين بار است كه از فروم ما بازديد مي كنيد به شما خوش آمد مي گوييم. شما مي توانيد بعد از خواندن قوانين انجمن در انجمن ما ثبت نام كنيد و براي مشاهده گفتگو ها به انجمن مورد علاقه خود كليك كنيد. در غير اين صورت شما به تمام امکانات سايت دسترسي نخواهيد داشت.
ارسال پاسخ
تعداد بازدید 1072
نویسنده پیام
eng-marandi آفلاین


ارسال‌ها : 40
عضویت: 17 /12 /1390
سن: 36

تشکر شده : 4
تازا بایاتیلار
اوزوم تورکم دیلیم تورک
آنام آتام ائلیم تورک
حیات یولداشیم آنجاق
گرک اولسون منیم تورک
==========================
یانیم عشقینده من پروانه لر تک
دوشوم من چوللره دیوانه لر تک
سالیم من ایسمیوی دیلدن دیله یار
اولاق بیز عشقیده افسانه لر تک
========================
ایشتیباهین سایی چوخدی
اولانلارا چاره یوخدی
آیریلیقا اورک قوخدی
باغیشلا سن ، باغیشلا سن
========================
سن یولونو دییشدیردین بیر سحر

منیم یولوم، سنین یولون دئییل کی

بو هیجرانا دوزه جه یم بیر تهر

دوزه جه یم، هیجران اولوم دئییل کی

========================
تورکجه بایاتیلار

*)*)*)*)*)*)*)*)

عربلر آی عربلر

آیاغیندا جورابلار

عربه یورد وئرمه یین

عرب یوردو خارابلار

******************

آپاردی تاتار منی

قول ائده ر ساتار منی

یاریم وفالی اولسا

آختاریب تاپار منی

****************

بوردان بیر تاتار کئچدی

اوخونو آتار کئچدی

غم گلدی، غم اوستونه

گون گونده ن بتر کئچدی

**********************

لایلای بئشیگیم لایلای

ائویم-ائشیگیم لایلای

سن یات شیرین یوخودا

چکیم کئشیگین لایلای

********************

قوربانون قوزی اولسون

قوزونون یوزو اولسون

قوزودان قوربان اولماز

قوی آنان اؤزو اولسون

********************

بو داغلار اولو داغلار

چئشمه لی سولو داغلار

بوردا بیر ایگیت اؤلموش

گؤی کیشنه ر بولود آغلار

*******************

عزیزیم، بادا گئتدی

یئل ووردو بادا گئتدی

دوشمن بیر ایش ایشله دی

گنج عؤمروم بادا گئتدی

******************

گؤیلر بولودلو قالدی

قوشلار اومودلی قالدی

آچاری یار بوینوندا

گؤنلوم کیلیدلی قالدی

****************

آتیمیزی قوشالیم

داغی-داشی آشالیم

سن یاغیش اول، من بولوت

یاغارکن قووشالیم

*****************

فلکین ایشی دوشسون

آغزیندان دیشی دوشسون

اونوندا منیم کیمی

نامرده ایشی دوشسون

********************


فلکین قهری منه

گلمیری رحمی منه

دولدورور غم باده سین

ایچیردیر زهری منه

******************


فلکین داد الیندن

اولمادیم شاد الیندن

یاپیشایدیم یاخاندان

چکییدیم داد الیندن

**********************


باشیندا دومان وار

اوره یمده غمیم وار

منه جانیم دئیه ن یار

ایندی سانیر منی یاد

*******************


شالیم قارا بویاندی

اوجو یئره دایاندی

منیم آه وناله دن

چرخ فلک دایاندی

*****************


عزیزی یم بو یارا

گئدر قالماز بو یارا

دوستا یاد دئمه ک اولماز

دوست هارا دوشمن هارا

************************

گوزوم قالدی او قاشدا

او کیپریکده او قاشدا

مجنون تک دلی گویلوم

گزیری داغدا داشدا

******************

من عاشیقم اهیم دیلر

گوز یاشیم اهین دیلر

یار ایله کئچن گونر

اولایدی اه ایندیلر

******************

آراز اوسته بوز اوسته

کباب یانار گوز اوسته

گوی منی اولدورسون

دانیشدیغیم سوز اوسته

****************

آغ الما قیزل آلما

تاقچایا دوزول آلما

بیلسئدیم یار گوندریب

ساخلاردیم یوز ایل آلما

*****************


آبی دونون آستانا

کهلیک گیریب بوستانا

قور خورام یاغیش یاغا

قارا تئل لر ایسلانا

******************

یار قاپینی آچیبدی

نیه رنگین قاچیبدی

دور گل، بیزیم باخچایا

گور نه گولر آچیبدی؟

******************

داغ باشینی ساری گؤردی

گؤز قامشادی تار گؤردی

جفاسینی من چکدیم

صفاسینی اغیار گؤردی

*********************


داغدا دومان یئری وار

قاشدا کمان یئری وار

بیر جوت نار ایتیرمیشم

سنده گمان یئری وار

******************


الیمده علمیم وار

قیزیلدان قلمیم وار

یاخیندان گوره نمیرم

اوزاقدن سلامیم وار

*******************

باشیمدا کلاهیم وار

سنین تک پناهیم وار

گوزگوردی ،گویول سئودی

منیم نه گناهیم وار؟

******************

سؤزی سؤزدن آلان وار

زولفون اوزه سالان وار

گئدیرسن تئز قاییت گل

گؤزی یولدا قالان وار

****************


حیط لری گولبسر

ایچینده گوللر اسر

من سنی چوخ ایستیرم

سن منی بیر مختصر

*******************

داغلار باشی قویون دیر

آی قیز بو نه اویون دیر

سنه موشتولوق وئریم

آچیلان آی تویون دیر

*****************

دردیوی دئ بیله نه

ایش باشینا گلنه

سیریوی دئمه کونلوم

هر اورویوه گوله نه

*********************


اوزه رلیک سن هواسان

هر بیر درده دواسان

درد قاپیدان گلنده

سن باجادان قوواسان

**********************

قاشلارین قیبله گاهدی

قیبله دئسم گوناهدی

داغلارا دومان چوکسه

اوداغ من چکن آهدی

***********************

عاشیق سؤزون گیزله در

سؤزون دوزون گیزله در

سن چمنه چیخاندا

لاله اوزون گیزله در

********************

گؤزلرین خومار ایندی

یاش توکر یومار ایندی

توک زولفون سینن اوسته

گورن نار اومار ایندی

*********************

آچیلارام گول کیمی

اوخویارام بولبول کیمی

گویولومه دگن اولسا

ساراللام سونبول کیمی.

************************


اولسون سنه جان قوربان

ای گوزل آذربایجان

سن سن منیم دیلبریم

اولماز سنه تای جانان

************************

باغچا میزدا قویی وار

سرین – سرین سویی وار

بیر دانا یار سئومیشم

گوزل حالی- خویی وار

*********************

عزیزیه م آلما یار

ائوده یالقیز قالما یاز

ال منیم ، اتک سنین

منی گوزدن سالما یار

********************

عزیزیه م، گوزوم یار

الیم سندن اوزوم یار

وعده وئردین گلمه دین

قوجاخلادیم دیزیم یار

********************

من عاشیغام، هر آیلار

هراولدوزلار، هر آیلار

باشیم جلاد الینده

دیلیم سنی هایلار

***********************

قارا دنیز قارادی

اوره ییمیز یارادی

بو آمان سیز یوللارین

سونو گؤرون هارادی

*)*)*)*)*)*)*)*)*)*)

حق سئل کیمی دریایا آخیب ، یول تاپاجاق دیر

داش آتماق ایله کیمسه اونو دونده ره بیلمز

دونیادا قارانلیقلار اگر بیرلشه باهم

بیر خیر داجا شمعین ایشیقین سوندوره بیلمز

مفتون امینی

***********************
بایاتیلار

گؤی اوزونده پرده سن

سالدین منی درده سن

من سنی چوخ سئویرم

گؤیده آللاه یئرده سن

—————————————————–

بو گلن جانین اولسون

گلسین مهمانین اولسون

هارا گئتسن تئز قاییت

جانیم قوربانین اولسون

—————————————————

باغیندا ، شیرین ، نه وار ؟

یئمه لی شیرین نه وار ؟

گزسن جمله جهانی

سئوگی دن شیرین نه وار ؟

——————————————————-

دوزلی قیزام دوزدانام

مین درده من درمانام

هاممی منیم قوربانیم

من دیلیمه قوربانام

———————————————-

آدین سنین رباب دی

کونول سنه کباب دی

بیر گل بیزه سن قوناق

سنسیز حالیم خراب دی

————————————————


ساری گلسین داغا دولسون


بولبوللر باغا دولسون


سئودیگیم یار یولوندا


جانیم صاداغا اولسون

——————————————–


سیر سؤزون منده قالسین


سالدیم کمنده قالسین


جان منده قرار تاپماز


قوی وئریم سنده قالسین

——————————————–


سحرین گولشن چاغیندا


نه گزیرسن باغی بولبول


اوخودون عاغلیم آپاردین


اودون منه یاغی بولبول

——————————————


زنخدانین خالدی یار


دیل دوداقین بالدی یار


سنده کی بو گوزللیک


عالمه سس سالدی یار

—————————————–

آتیم ، توتوم آلما یار

ائوده یالقیز قالما یار

ال منیم ، اتک سنین

نظریندن سالما یار

=====================

یان یانا دوردوغوم یار

چادرین قوردوغوم یار

گوزللیک ده تایین یوخ

قوربانی اولدوغوم یار

———————————–

دریا درین کیم اوزر ؟

سویو سرین کیم اوزر ؟

بیر وفالی یار اولسا

اوندان الین کیم اوزر

—————————————

دردیم باغدان بیر چیچک

وئریم سنه آی قویچک

دوغما گونون گلیب دی

بوگون سنه موبارک

—————————————
داغ باشین دولو گؤزلر



ساغ گئدن سولو گؤزلر



گونلر کئچر غربت ده



یار یاتماز یولو گؤزلر



چن گئدیر چمن اوسته



دوشور یاسمن اوسته



یار نه واخت بیزه گلسه



یئری وار سینم اوسته



عزیزیم هئی دردیمی



بو گلن حیدر دی می ؟



کاش آنام ساغ اولایدی



چکئیدی هئی دردیمی



عزیزی یم گینه سن



صفا گلدین گینه سن



فیکریم ، ذیکریم ، خیالیم



سنسن ، سنسن ، گینه سن




داغ باشیندا سار منم
قلبی قره تار منم

دییللر یار کوسوبدی


حتما گوناهکار منم
—————————————
چاغیر سن گئجه یاری

باختیندان کئچه یاری

یوخودا یاری گوردوم

اوینادیم گئجه یاری

***

گئیمیسن، آ خارا۲

دوشموسن درین آخارا

بولبول باخار گول آغلار

گولوستاندا او خارا

***

دورما بیزیم درده سن

دئمه اولور درد آسان

ظالیم سنی درده دوش

سالدین منی درده سن

***

سمندر اودوم آلدی

اودومدان او دم آلدی

صرافسان یاقوت آختار

تاپارسان او دا مالدی

***

دیمه یارام تئز قانار

آنلا ناموس،تئز قان آر

عاریفه بیر ایشاره

قاش- گوزده ن تئز قانار

***

من آشیق آدام چالار

یارمچلیق آدام چالار

آدامی شاه مار قویوب

سوخولجان آدام چالار

***

من آشیقام ،او سارا

من گئدیرم اوسارا

تولک ترلان ورملر

اگر چاتسا او سارا.

***

من آشیق ،یارا سالار

غم جانا یارا سالار

گئجه دئیر:-لاچینام

گون گورمز یاراسالار

***

من آشیقام ،من قانا

عاریف مطلب مین قانا

بیرجه اورک یاخاسان

اوز اولار مین قانا
*********************************
یاریما اولسون سلام

قوی کی دییم بیر کلام

ایستییرم من سنی

ایسته منی والسلام

***

اولدوزلار باتماز آغلار

یاری اویاتماز آغلار

یار یاردان آیری دوشسه

گئجه‌لر یاتماز آغلار

***

عزیزیم بیر دانا سان

صدف سن دوردانا سان

من اولسام سنه قوربان

سن اولما بیردانا سان

***

بیر گون بیر اوغلانین دویوندو قلبی



دئدی: ((سئوگیلیمدن مکتوب آلمیشام))



اوخودو مکتوبون اوچ کلمه سینی



باغیشلا،‌ سئوگیلیم نیشانلانمیشام!!!



***

شمع یانار یاغدا اریر

قار یاغار داغدا اریر

من توشه ن درده توشسه

موم اولور داغدا اریر

***

من بو باغا گلمیشم

گول درماغا گلمشم

ایتیر میشم گولومو

آختارماغا گلمیشم



بیر آتا بابا سؤزو



اششکیم اولمه یونجا بیتینجن
$$$$$$$$$$$$$$$$$$$$$$$$$$$$
دووشان گه زه ر داغلاردا

قوشلار اوچار باغلاردا

من سئویردیم قوش اولام

یار دولانان باغلاردا

***

منیم سازیم آغلییر

اوره ک باشین داغلییر

بؤیوک غم اوره گیمی

یاندیریر سیزلادییر

***


کاشکا گول اولمویایدی

سارالیب سولمویایدی

سن ته ک اوره ک کینه لی

کیمسه ده اولمویایدی

***



داغلار باشیندا لاله



الیمده وار پیاله



سن منیمسن من سنین



دوشمه آیری خیاله



***



نارینجا باخ نارینجا



ساخلارام سارالینجا



منده اورک قالمادی



یار گویلونی آلینجا



***

نارینجا باخ نارینجا٬

ال وورما سارالینجا.

تولئیدیم قورتولیدیم٬

بوگونلره قالینجا

***

من عاشیغام نارینجا٬

ایسترم سارالینجا.

سونام ساللاندی گلدی٬

لاچین اونون یانینجا

***

بو باغدا بار اولونجا،

هئیوالار نار اولونجا .

دیل آچار دلی گویلوم ،

سن منه یار اولونجا.

***

توت آغاجی بو یونجا ،

توت یئمه دیم دویونجا .

یاری خلوتده گورنده ،

دانیشمادیم ( اوپوشمدیم ) دویونجا

***

خال گؤرمدیم خالینجا٬

خالیندان کام آلینجا .

بیلسیدیم وفان بودور٬

دوشمزدیم من دالینجا

***

امرود آغاجی هاچا٬

بو داغیندا گول آچا .

او یارا قوربان اولوم٬

دیندیره گؤیلوم آچا

***

امرود آغاجی هاچا٬

الیم دولاشدی ساچا .

بیر مرد اوغلان ایسترم٬

منی گؤتوره قاچا
&&&&&&&&&&&&&&&&&&&&&&&&&&&&
قارا دنیز قارادی

اوره ییمیز یارادی

بو آمان سیز یول لارین

سونو گورون هارادی

***

عزیزیم ، گول الللر،



آغ بیلکلر ،گول الللر،



دریاجا عقلین اولسا ،



یوخسول اولسان گولللر.



***

آپاردی چایلار منی ،



هفته لر ، ایلار منی ،



یوکوم قورقوشوم یوکی،



یوردو بو تایلار منی.



***



من عاشیقام هر آیلار



هر اولدوزلار ،هر آیلار



بوردا بیر گول بیتیبدی،



سوسوزوندان هارایلار.



***



من عاشیقام هر آیلار،



هر اولدوزلار هر آیلار،



باشیم جلاد الینده ،



دیلیم سنی هارایلار.



***



قاشلارین قیبله گاهدی،



قیبله دئسم گوناهدی،



داغلارا دومان چوکسه،



او داغ من چکن آهدی.



***



عاشیق سوزون گیزله در،



سوزون دوزون گیزله در،



سن چمنه چیخاندا ،



لاله اوزون گیزله در.



***



گوزلرین خومار ایندی،



یاش توکر یومار ایندی،



توک زولفون سینن اوسته،



گورن نار اومار ایندی.



***



آچیلارام گول کیمی،



اوخورام بولبول کیمی،



گویولومه دگن اولسا،



ساراللام سونبول کیمی.



***



من عاشیق گول آنباری،



گول اکدیم،گول انباری،



هیجران قویماز گوز آچام،



درد قویماز گولم باری



***



من عاشیق باشدان یارا ،



آرتیبدیر باشدان یارا،



منی حسرت یاراتدی،



یاردان باشدان یارا.



***



آغلارام آغلار کیمی،



دردیم وار داغلار کیمی،



خزان اولدوم توکولدوم،



ویرانه باغلار کیمی.



***



دومانلی داغلار گویلوم،



نیسکیللی باغلار گویلوم،



نه آچیلار،نه گولر،



همیشه آغلار گویلوم.



***



غوربته دوشدو یولوم،



دوشمن آلیب ساغ- سولوم،



ائلدن آیری دوشه لی،



بو خوولانیبدی قولوم.



***



من عاشیق آه و زاردا،



جانیم درتده آزاردا،



او گوندن کی قول اولدوم،



ساتیلیدم هر بازاردا .



***



عزیزیم وطن یاخچی،



کوینکی کتان یاخچی،



غوربت یئر جنت اولسا،



یئنه ده وطن یاخچی.



***



عزیزیم دیلن گز،



باغدا گوله دیلن گز،



غوربتده خان اولونجا،



وطنینده دیلن گز.



***



فلکین داد الیندن،



اولمادیم شاد الیندن،



یامان یئرده ییخیلیدم،



توتمادی یاد الیمدن.



***



سو تک آرخا دولاندیم،



ساپ تک چارخا دولاندیم،



ظالیم فلک الیندن،



قورخا -قورخا دولاندیم.



***



باهاسیز داشدی دونیا،



چوروک آغاجدی دونیا،



کیمه دئییم دردیمی ،



بوتون قان یاشدی دونیا.



***



عاشیقین هاراییندان،



ائل یاتماز هاراییندان،



گونده بیر کرپیچ دوشور،



عومورومون ساراییندان .



***



لای- لای دئدیم یاتاسان،



قیزیل گوله باتاسان،



قیزیل گولون ایچینده،



شیرین یوخو تاپاسان.



***



لا- لای بئشیگیم لا- لای،



ائویم- ائشیگیم لا- لای،



سن یات شیرین یوخودا،



چکیم کئشیگین لا- لای.



***



ننه م ،او نازلی قویون،



قرقاوول گوزلو قویون،



پنیری کسمه- کسمه ،



قاتیقی اوزلی قویون.



***



ننه م، او خاللی گئچی،



ممه سی باللی گئچی،



اوجا قایا باشیندا،



توتوبدی یاللی گئچی.



***



عاشیق سوزگون گوزلریم،



غمدن اوزگون گوزلریم،



گوزلدن دویا بیلمز،



باخسا یوز گون گوزلریم.



***



باغلاریندا اوزوم وار،



گئتمه دایان سوزوم وار،



گوزلریندن قورخورام،



قاشلاریندا گوزوم وار.



***



عاشیق گلیر سازی وار،



غمزه سی وار نازی وار،



هر باهارین بیر قیشی،



هر قیشین بیر یازی وار.



***



ای زامانا، زامانا،



اوخو قویدون کامانا،



ائششکلر آرپا یئییر،



آت حسرتدور سامانا.



***



آغ آلما،قیزیل آلما،



نیمچه یه دوزول آلما ،



چیرکین آل نجیب اولسون،



بد اصیل گوزل آلما.



***



عزیزیم کاساد اولماز،



مرد الی کاساد اولماز،



یوز نامردین چوره یین،



دوغراسان کاسا دولماز.



***



من عاشیق دالداسینا،



مرد ایگیت دالداسینا،



نامرد آصلان اولسادا،



سیغینما دالداسینا.



***



عزیزیم آی اوتانماز،



گون دوغار آی اوتانماز،



پیسین پیس عمللرین،



اوزونه سای، اوتانماز.



***


اوز ه رلیک سن هاواسان،

چهارشنبه 17 اسفند 1390 - 21:38
نقل قول این ارسال در پاسخ گزارش این ارسال به یک مدیر
تشکر شده: 2 کاربر از eng-marandi به خاطر این مطلب مفید تشکر کرده اند: shirin88 & novin70 &
novin70 آفلاین



ارسال‌ها : 7
عضویت: 6 /9 /1397
تشکرها : 1

تازا بایاتیلار
به به یاشاسین اذربایجان تصویر: /weblog/file/forum/smiles/22.gif
اولسون سنه جان قوربان

ای گوزل آذربایجان

سن سن منیم دیلبریم

اولماز سنه تای جانان

امضای کاربر : کلینیک نوین | درمان بواسیر، هموروئید، شقاق، کیست مویی، زگیل و فیستول با لیزر توسط دکتر متخصص
پنجشنبه 08 آذر 1397 - 09:54
نقل قول این ارسال در پاسخ گزارش این ارسال به یک مدیر
ارسال پاسخ



برای ارسال پاسخ ابتدا باید لوگین یا ثبت نام کنید.


پرش به انجمن :



Powered by Tem98 | Copyright © 2009 Rozblog Group